Со скулпутри до спас на планетата Земја: Уметник собира фрлени материјали и ги рециклира во неверојатни реалистични скулптури

Скулпторот и уметник Џош Глукштајн од Лондон создава неверојатни реалистични скулптури од животни. Животните отсекогаш биле централна тема во работата на Џош. Тој рециклира картон и други фрлени материјали во неверојатно реалистични животински скулптури.

Достапноста и разновидноста на материјалите му овозможуваат да ги оживее животните и да го пренесе нивниот карактер и интригантна убавина додека создава нула отпад. Целта на Џош Глукштајн е да ја подигне свеста за загрозените видови преку уметноста и да придонесе за нивно зачувување.

Џош вели за својата работа: „Инспириран од моите обемни патувања и волонтирање низ Азија, Африка и Јужна Америка, се обидов да го доловам присуството на некои од највеличествените животни што сум ги видел, создавајќи скулптури во природна големина, често направени од пронајдени и рециклирани материјали. Постојано се трудам да ја направам мојата пракса сè посовршена“.