Состојките на овој стар сируп за кашлица ќе ве натераат да бидете благодарни за модерната медицина

Сите сме слушнале за традиционални хербални лекови од минатото за кои нашите родители, баби и дедовци се колнат дека лекуваат секакви проблеми и болести, но има еден лек за кашлица што е најдобро да се остави во минатото.

Корисник на Редит неодамна објави слика од стар сируп за кашлица кој се користел во 1800 -тите години, а неговите состојки не се баш препорачливи, според денешни стандарди.

Да бидеме фер, за разлика од современите лекови кои се полни со хемикалии што не можете да ги изговорите, содржината на сирупот „Една ноќ кашлица“ е прилично јасна. Започнува со „Алкохол (помалку од 1%)“ и „Канабис индика“,  состојки што не би очекувале да ги најдете во сируп за кашлица.

Следно на списокот е „Хлороформ“, кој во тоа време најчесто се користел за смирување на луѓето пред операции, и „морфин сулфат“ , „братучед“ на морфин. Тешко е да се замисли дека некоја од овие состојки би била одобрена за третман без рецепт денес, но очигледно 19-от век бил многу поинакво време.

„Не можете да кашлате ако сте во несвест“, се пошегува еден корисник на Редит.

Други корисници посочија дека лекови како хероин и кокаин  често биле користени од лекарите, овој сируп за кашлица не е најсилниот лек што бил достапен во тоа време.