Совршениот кратер на Алјаска: Езеро скриено во вулкан што никогаш не експлодирал

Доколку летате над Националниот споменик Катмаи во југозападна Алјаска, ќе видите езеро што изгледа речиси премногу совршено за да биде создадено од природата. Широко над 500 метри и длабоко повеќе од 110 метри, ова езеро се наоѓа во мистериозниот Савоноски кратер.

Се верува дека кратерот настанал за време или пред последното ледено доба, а снегот и дождот со векови го исполнувале со вода. Во 1960-тите и 1970-тите, научници го истражувале кратерот во потрага по траги од метеорски удар. Длабокиот, совршено заоблен облик тоа и го сугерира, но повлекувањето на глечерите можеби ги избришало сите траги од можниот удар.
Друга теорија гласи дека се работи за т.н. вулкански маар — „вулкан што се обидел, но не успеал да избие“, како што го опишал професорот Т. Нил Дејвис од Универзитетот во Алјаска. Кога магмата допира до подземни води, настанува експлозија на пареа која создава карпест кратер. Потоа, без доволно притисок, вулканот се смирува, оставајќи зад себе кратер исполнет со вода — и многу прашалници.