Срцезатоплувач на денот: Потрошила 120.000 долари и патела 25 години, за конечно на 53 години да доживее чудо!

Хелен Далглиш, од Денистоун во Глазгов, претрпела неверојатен 21 обид да забремени и сето тоа ја чинело речиси 120.000 долари- пред да ја пречека ќерката Дејзи Грејс на нејзина 53 годишна возраст.

54-годишната жена раскажа за нејзината радост по долгогодишна болка и како никогаш не се откажала од сонот да стане мајка.
Таа вели: “Кога ќе го добиете тоа мало чудо на крајот, заборавате на 25-те години. Гледав надолу, а стомакот стануваше се поголем и си помислив „дали сонувам? Дури и сега гледајќи ја не можам да верувам дека сум мајка. Тоа е надреално”.

Хелен се преселила на Кипар во нејзините 20-ти години и почнала да се обидува за бебе со нејзиниот тогашен сопруг кога имала 28 години.
Набргу потоа се вратиле во Шкотска и кога тестовите не покажале никакви компликации, им била дијагностицирана „необјаснета неплодност“.
Тестовите на Кипар откриле потенцијален проблем со позиционирањето на матката на Хелен, но таа вели дека медицинските лица во Шкотска не биле загрижени. Двојката била подложена на четири процедури за интраутерина инсеминација, каде спермата се става директно во утробата, пред да премине на ИВФ.

Тие можеле да добијат само еден бесплатен третман на NHS и во текот на следните 20 години издржале низа неуспешни обиди, приватно финансирани – и покрај производството на ембриони со врвен квалитет.
Но, пркосната Хелен никогаш не се откажала.

„Понекогаш застанувавме една или две години. Бидејќи рекоа дека е необјаснето, мислевме дека ќе правиме јога, медитација, алтернативно здравје, бидејќи ништо не не спречува, можеби тоа ќе се случи само ако заборавиме на тоа. Секој што не успева е апсолутно уништен. Тоа е како смрт“.

Се обидов да заборавам на неуспешните обиди и почнавме од почеток.
Хелен станала загрижена дека секој пат кога лекарите се обидувале да ги префрлат нејзините ембриони назад во нејзината утроба, постапката била неподносливо болна, бидејќи имала чувство дека лекарите „удираат во ѕид“.

Хелен одлучила дека нејзината единствена шанса сега да стане мајка е конечно да се согласи да користи донаторски јајце клетки, но и покрај тоа што создала 10 силни ембриони, ја добила катастрофалната вест дека сите биле уништени.

Хелен потоа се вратила во Пафос, Кипар, со нејзиниот сегашен партнер и одлучиле дека нивниот последен обид е Центарот за плодност Дуња во Киренија.
Таа потоа родила здраво девојче во септември на 53-годишна возраст.

„Тоа е апсолутен рај. Таа само продолжува да се подобрува. Изгледа дека е најмирно и најсреќно бебе на светот. Речиси како да чекав толку долго и сега сум разгалена. Бев многу блиску до крајниот рок на 53. Мислам дека на 55 не можете повеќе. Би сакала да им се заблагодарам на целиот персонал и лекарите и на сите во клиниката”.

„Многу сме среќни што гледаме дека жените како Хелен конечно добиваат шанса да имаат свои деца и ќе продолжиме да даваме се од себе за да им помогнеме на другите парови да го остварат овој сон”, вели главната докторка од клиниката.