Средношколец се научил да шие и го создал совршениот фустан за неговата партнерка на матура: „Тој направи сѐ од нула, ме направи принцеза!“

Средношколецот Паркер Смит е вистински принц. Кога неговата партнерка за матура, Ади Руст, не можела да си го дозволи нејзиниот фустан од соништата, тој лично изработил прекрасен фустан само за неа.

Паркер Смит, кој немал претходно искуство во шиење, се впуштил во мисија да го создаде матурскиот фустан од соништата на неговата партнерка. Оваа одлука дошла откако неговата партнерка Ади Руст го пронашла совршениот, но скап фустан за нивната матура. Во еден момент, таа предложила: „Паркер, зошто не ми го направиш ти матурскиот фустан!“

Паркер размислувал за барањето и на крајот го прифатил предизвикот да го изработи фустанот за неговата партнерка. Паркер со месеци се посветил на учење на уметноста на шиење, со повремени подучувања од неговата баба.
По матурската вечер, Ади се огласила на „Твитер“ со пофалби за својот партнер.

Таа напиша: „Паркер ми го направи фустанот за матура. Директно од нула ја направи целата работа, а јас сè уште сум без зборови. Многу сум среќен што го имам за мој најдобар пријател!“

Паркер, исто така, се огласи на својот профил на „Твитер“ за да сподели слики од фустанот што тој одлучил да го моделира за неговата партнерка. Тој напиша: „Тоа беше интересно искуство, но штотуку го завршив првото нешто што сум го сошил – фустан за матурска забава, токму на време за балот“.

Целото искуство ја запали новооткриената страст кај Паркер да продолжи со изработка на фустани од нула  Тој замислува да продолжи со студии по костимографија и музички театар на колеџ, а на крајот да стане костимограф на Бродвеј.