Што да правите кога ве навредуваат и понижуваат: Моќниот трик на Зигмунд Фројд за разоружување на луѓето

Честопати не знаеме што да правиме кога не навредуваат и понижуваат, а Зигмунд Фројд има одлично решение за овој проблем. Невозможно е секој од нас да се осигура од навредите и негативностите на другите луѓе, но она што можеме да го промениме е нашата перцепција.

Зигмунд Фројд рекол: „Силната личност никогаш не го презема товарот на туѓите изјави“.

Нечиј лош збор, непријатен изглед или несоодветно однесување може толку многу да нè погоди што на тоа размислуваме цел ден. Тогаш до исцрпеност се прашуваме дали сме згрешиле некаде, дали сме постапиле правилно, зошто оваа или онаа личност ни се лути итн. Сето ова размислување драматично ја поткопува нашата самодоверба, и често без вистинска причина.

„Ако некој не е груб, тој нема проблеми и сите го сакаат, најверојатно тој едноставно не е жив“, рекол Фројд.

Прифаќаме конструктивна критика од некој на кој му веруваме, но навредите во комуникацијата можат да бидат отровни стрели. Личноста која ве навредува има само една мисија – да ве повреди. И не заборавајте, овие навреди кажуваат најмногу за личноста која ги изговара.

Постојат две работи кои ќе ви помогнат да се спротивставите на сета злоупотреба и несоодветно однесување.

1. Магичниот збор е „да“

Иако ова веројатно ви звучи чудно, не влегувајте во дискусија со конфликтни поединци кои се склони кон манипулации.

Една од најпознатите фрази со која Фројд соодветно одговори на прашање од новинар, дали се смета себеси за неморален, тој изјави: „Да“ и продолжи: „Што се однесува до секое незгодно прашање што го имате за мојата личност, одговарам потврдно“.

Кажете „ДА“ на секоја изјава со смирено лице. Моќта на мирното „да“ може да го раствори секој психолошки притисок, затоа што едноставно ја лишувате личноста од можноста да ве навреди со нешто и не се браните со докажување на спротивното, туку едноставно го девалвирате секој негов напад, лишувајќи го непријателот од неговиот цел.

2. Самопочит

За да се заштитите од злоупотреба, важно е да развиете самодоверба. Не дозволувајте вашиот мир да зависи од надворешно расудување и туѓи мислења. Здравата самодоверба е проценка за себе, а мислењето околу себе е вредносен суд, често површен и не стремејќи се кон најдобрите цели. Најчесто луѓето ги оценуваат и судат другите луѓе за да ги омаловажат и да се покажат во поповолно светло.

Постои позната фраза на Фројд за влијанието што луѓето околу нас го имаат врз нас:

„Пред да се дијагностицирате со депресија или ниска самодоверба, погрижете се да не сте опкружени со идиоти“.

Ако ништо од ова не помага, само обидете се помалку да комуницирате со луѓе кои не ги сакате и заштитете се на тој начин.