Што јаде Кристијано Роналдо за да го има најсовршеното машко тело на планетата Земја?

Кристијано Роналдо е еден од најдобрите фудбалери на сите времиња. Па, како таков, секако дека е важно што внесува во неговото тело на свои 39 години.

Одамна поминаа деновите на младиот тинејџер кој првпат се пресели во „Манчестер Јунајтед“ и кој за брзо се трансформираше во глобална икона за време на неговите години во „Реал Мадрид“. Сега, во последните неколку години како професионален фудбалер, Роналдо ужива во сонцето во Саудиска Арабија додека игра за клубот од Саудиска про-лига „Ал Наср“.

Што јаде Кристијано Роналдо?

Роналдо тренира напорно, со строг режим на исхрана. Тоа е рутина што му помага да продолжи да игра на речиси 40-годишна возраст. Држејќи диета која е подеднакво строга.

„Добриот тренинг мора да се комбинира со добра исхрана“, изјави тој.

„Јадам богата протеинска исхрана, со многу јаглехидрати од цели зрна, овошје и зеленчук и избегнувам слатка храна“.

Бидејќи е Роналдо, тој има личен диететичар и готвач за да може да го третира своето тело на ниво.

Со совет од неговиот диететичар, Роналдо е на диета од шест мали оброци секој ден – еден на секои три часа и рутина што ја прави уште од неговите рани денови во „Реал Мадрид“, откако се пресели во клубот во 2009 година.

Омилената храна на Роналдо

Појадокот за легендарниот фудбалер се состои од шунка, сирење и јогурт со малку маснотии. Тој, исто така, ќе се погрижи да јаде многу овошје, како и авокадо на тост. Настрана од појадокот, Роналдо сака да јаде риба и тоа свежа и морска.

Неговото омилено јадење е Bacalhau à Brás, португалско јадење направено од парчиња посолен бакалар, кромид, тенко исечени пржени компири и јајце.

Тој вели: „Јадете редовно. Ако тренирате редовно, важно е да го одржувате нивото на енергија високо за да го поттикнете вашето тело за подобри перформанси. Понекогаш јадам и до шест помали оброци дневно за да бидам сигурен дека имам доволно енергија за да го изведам секој тренинг на највисоко ниво“.