Што уште да се очекува од Канје Вест? Раперот си ги замени сите заби со титаниумски протези вредни 850 илјади долари

На Канје Вест му беа отстранети сите заби и заменети со титаниумски протези.

Раперот (46), гордо ја покажа својата нова остра насмевка во објава на „Инстаграм„ – во која се спореди себеси со иконскиот негативец на Џејмс Бонд, Вилицата.

На ексклузивната фотографија, беа прикажани новите протези на Вест – за кои извор откри дека се „поскапи од дијаманти“ и се дизајнирани од самата ѕвезда. Имплантот е нов хируршки модел и е единствен за музичарот – а вкупната цена се шпекулира дека е неверојатни 850.000 долари.

Новите протези на ѕвездата беа поставени од д-р Томас Конели во Беверли Хилс заедно со Наоки Хајаши, мајстор забен техничар.
Конели изјави: „Неговата визија за дизајнирање уникатна уметност ја надминува стоматолошката прогресија. Спојот на неговата визија со стоматолошката наука создаде нов изглед кој е епски!“

Раперот во 2010 година ги покажа блескавите дијамантски и златни импланти кога разговараше со водителката Елен Деџенерис – за кои тврдеше дека му го замениле целиот долен ред на заби.

Неговите претходни тврдења дека ги заменил забите беа дочекани со скептицизам, а обожавателите на Канје се сомневаа дека дури тој ќе направи такво нешто.

Неодамна исто така беше откриено дека должи повеќе од 1 милион долари за неплатени даноци.

Се откри дека неговата фирма за облека, „Yeezy Apparel“, „LLC“, имала четири активни даночни задолженија поднесени против неа во последните три години за неплатени деловни даноци во вкупна вредност од 934.033,56 долари. Записите покажуваат дека тој должи дополнителни 101.093 долари како данок на имот на два домови што ги поседувал со неговата поранешна сопруга. Вкупната даночна сметка е 1.035.126,56 долари.

Останува да се види дали тој ќе ја плати големата сума во најскоро време кога казните ќе продолжат да се зголемуваат.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!