Стоматолог објаснува зошто вашите заби се сѐ уште жолти иако ги четкате редовно и одржувате хигиена

Ако ги одржувате вашите заби, но сепак не можете да постигнете онаа посакувана бисерно бела нијанса, можеби треба да ги промените вашите навики.

Д-р Зејнаб Меки, стоматолог од Мичиген, САД, откри дека многу луѓе кои мислат дека добро се грижат за својата орална хигиена всушност прават големи грешки.

Како резултат на тоа, забите може да добијат жолтеникав изглед, наместо светла бела боја која сите ја посакуваме. Иако редовното миење, чистење со конец и избегнување на храна која ги бои забите е основа, тоа не секогаш е доволно.

Д-р Меки објаснува дека постојат неколку причини зошто забите може да останат пожолтени, дури и ако се придржувате кон правилна рутина.

Што може да предизвика жолти заби?

Претерано четкање

Една од најчестите грешки е премногу агресивно четкање. Со ова се оштетува надворешниот слој на забите – емајлот, кој ги штити забите од оштетување. Кога емајлот ќе се истроши, се открива дентинот кој има пожолтеникав тон.

Покрај тоа, агресивното четкање може да доведе до насобирање на поголем плак, кариес и дури и губење на забите.

Исхрана и начин на живот

Вашата исхрана и животни навики исто така играат голема улога. Пушењето, одредени лекови и консумирањето на обоени или кисели пијалаци како сокови или газирани пијалаци може значително да влијаат на бојата на забите.

За да го избегнете ова, д-р Меки препорачува да користите сламка за кисели и обоени пијалаци и да избегнувате преголемо четкање.

Корисниците на социјалните мрежи беа благодарни за советите, дел од нив признавајќи дека токму овие грешки ги прават секојдневно.