Стотици лименки пиво на пат! Камион што превезувал пиво се судрил на автопат во Флорида, претворајќи го во море од пиво

Автопат во Флорида беше затворен откако полуприколка со кутии „Coors Light“ пиво, се преврте и го претвори коловозот во море од лименки пиво.
Несреќата со повеќе возила се случила кратко по 6 часот наутро на јужната лента на меѓудржавниот автопат 75, на околу 30 метри северно од Тампа.

Несреќата се случила кога една полуприколка удрила во друга додека менувала лента, соопштија официјални лица. Ова ги принудило другите полуприколки да закочат, но едната не можела да застане и се судрила со пикап и друга од запрените полуприколки.

Полуприколката која не можела да застане била полна со кутии пиво „Coors Light“. Камионот со пиво потоа се судрил со друга полуприколка што превезувала бетон.

Според полицијата, по несреќата патот бил покриен со бетон и гајби со пиво. Патролата на автопатот на Флорида сподели фотографии од сцената на кои се гледаат лименките како го покриваат меѓудржавното подрачје.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!