Страв од руски саботажи: Експерти за безбедност ги предупредуваат британските семејства да подготват 72-часовни пакети за преживување

Содржина:

• Зависноста од странска енергија ја зголемува ранливоста на Британија
• Растечки безбедносни закани и стравувања од руски саботажи
• Критики кон енергетската политика и мерки за одбрана

Зависноста од странска енергија ја зголемува ранливоста на Британија

Стравувањата се зголемија откако беше забележан рускиот шпионски брод Yantar како ја мапира британската подморска инфраструктура во Северното Море. Се верува дека Русија поставува уреди за прислушување и истражува подводни кабли и цевководи, а дел од експертите предупредуваат дека енергенсите врски на Британија се лесна мета.

Во зимава Британија за малку избегна мрак, благодарение на итни резерви и струја увезена преку подводни кабли од Данска. Во ЕУ веќе е дадена препорака граѓаните да имаат пакети за преживување со вода, храна, лекови, батериско радио, фенер, документи и швајцарски нож. Слична мерка се препорачува и за британските домаќинства.

Растечки безбедносни закани и стравувања од руски саботажи

Иако владата не планира официјално да бара од граѓаните да се подготват со вакви пакети, во Стратешкиот одбранбен преглед на поранешниот генерален секретар на НАТО, лорд Робертсон, ќе се разгледува заштитата на критичната подморска инфраструктура. Ова следи по неколку инциденти со саботажа на подводни кабли и гасоводи во Балтичкото Море, вклучително и уништувањето на Северен тек во 2022 година.

Критики стигнуваат и до британската енергетска политика. Пратеници обвинуваат дека стремежот на Ед Милибанд кон Net Zero ја прави земјата ранлива. Затворањето на последната електрана на јаглен во септември и планираното затворање на дел од нуклеарките дополнително ја зголемуваат зависноста од ветерници и соларни панели – кои не даваат струја кога нема ветер или сонце.

Критики кон енергетската политика и мерки за одбрана

Британскиот систем моментално се потпира и на течен природен гас увезен од Катар и САД, а поврзувачките кабли се под ризик од напади. На 8 јануари годинава, земјата беше блиску до тотален мрак поради зголемена побарувачка и намалено производство. Само благодарение на дополнителни средства од 20 милиони долари и активирање на кабелот од Данска беше избегната енергетска криза.

Британската влада тврди дека вложувањата во чиста енергија и технологија како складирање на јаглерод ќе обезбедат сигурност и ќе ги намалат цените, а истовремено ја намалуваат зависноста од непријателски држави. Премиерот Стармер најави и зголемување на буџетот за одбрана до 2.5% од БДП до 2027 година.