Тајниот шпионски дрон на САД сега има вградено ласер што топи ракети – токму кога светот стравува од нова војна
Американската одбранбена компанија General Atomics го претстави првиот ласер од ваков тип, кој може да се монтира на шпионски дрон и да топи ракети додека летаат. Новата технологија беше откриена на настанот Sea Air Space 2025 во Мериленд.
Ласерот е вграден во дронот MQ-9B SkyGuardian, кој е автономен уред за извидување и надзор. Моментално емитира околу 25 киловати енергија — доволно за да уништи мали летачки цели како дронови или ракети. Но, General Atomics тврди дека може да се надгради и до 300 киловати, што би овозможило топење на критичните делови од големи авиони и ракети.
Системот може да испорачува и пулсна и континуирана енергија и функционира во различни услови.
Новото оружје е поевтино, потивко и посмртоносно од традиционалните ракети
Овој ласер не само што е смртоносен, туку и драматично го намалува трошокот за одбрана. Наместо скапи ракети, ласерскиот зрак — кој не може да се „собори“ — уништува цели се додека има доволно енергија. Сепак, проблемот е што батеријата на дронот е ограничена — може да лета над 40 часа, но додавањето на ласерот веројатно ќе го намали тој капацитет.
Коментирај анонимно