Таксист му понудил на својот патник бубрег, откако го враќал дома од болница – никој потоа не очекувал ваков исход од обичното секојдневно возење

Бил Сумиел имал тежок петок. Беше октомври 2020 година, а 71-годишникот, кој се справуваше со бубрежна инсуфициенција и бил на дијализа неколку години, се нашол во васкуларен центар на 60 километри од дома по втор пат за 24 часа. Еден ден претходно, неговиот брат го однел во Васкуларниот институт во Вајнленд, Њу Џерси, на рутинско отстранување на згрутчувањето на неговиот пристапен приклучок за дијализа, но таа вечер неочекувано повторно се затнал.

На Сумиел не му била непозната борбата со бубрежните болести. Нему му била дијагностициран дијабетес пред повеќе од 20 години пред тоа, што довело до проблеми со бубрезите. Тој бил на листата за трансплантација, но сè уште не се појавиле соодветни кандидати. Така, тој продолжил со своите третмани. Па така за вторито пат повикал „Убер“.

Тимоти Летс (31) го прифатил возењето, мислејќи дека штом патникот доаѓа од болница итно му е потребен превоз.

Кога Сумиел влегол во автомобилот, Летс можел да види дека постариот човек е летаргичен, но добро расположен. И откако тргнале на 40-минутно возење до домот на Сумиел во Салем, двојката почнала да разговара.

„Бил навистина го запали автомобилот со позитивна енергија “, изјавил Летс. Сумиел, кој работел во продажба во компанија која произведува цевководи, спомнал дека во минатото уживал да волонтира во неговата црква и во неговата заедница, дури и служел како претседател на градскиот совет. Но, деновиве правел многу помалку работи, бидејќи третманите за дијализа го исцрпувале.

Тогаш Сумиел открил дека бара донатор на бубрег. Летс се пошегувал дека би бил добар кандидат за донатор, со оглед на тоа што не пиел и не пушел. Сумиел се согласил, иако не размислувал многу за тоа додека продолжиле да се возат. Летс, сепак, не можел да престане да размислува за тоа.

Летс верувал во помагањето на другите, така што донирањето бубрег „било нешто што секогаш му било на ум“. Така, на околу една половина километар од куќата на Сумиел, Летс рекол: „Би сакал да видам дали би можел да ти бидам соодветен донатор за да ти дадам бубрег“.

„Бев шокиран“, се сеќава Сумиел, смеејќи се. Толку силно се тресел што едвај можел да си го напише името кога си разменувале контакт информации. Откако влегол во својот дом, тој возбудено и рекол на својата сопруга: „ Возачот на „Uber“ штотуку ми го понуди својот бубрег!“
По почетната возбуда, Сумиел почнал да се чувствува се помалку оптимистичен. Тој бил трогнат од понудата на Летс, иако се прашувал дали тоа било само емотивен момент. Дали ќе слушне од него повторно? И колкава била веројатноста тие да се совпаѓаат?

Но, Летс бил верен на својот збор. Тој стапил во контакт со Сумиел само неколку часа подоцна, а веќе следната недела Летс стапил во контакт со програмата за трансплантација на бубрези. По неколкумесечниот процес на скрининг – вклучувајќи интервју, споделување медицински досиеја, средба со застапник од жив донатор и тестирање – резултатите биле: Летс бил идеален донатор, а тој и Сумиел совршено се совпаѓале.

На 7 декември 2021 година, 14 месеци откако случајно завршија во истиот автомобил, Сумиел и Летс биле оперирани.

Летс се преселил во Германија, но тој и Сумиел одржуваат контакт и со нетрпение го очекуваат денот кога ќе се сретнат повторно. Сумиел е многу подобар сега. На крајот на краиштата, тој вели: „Живите донатори се посебни луѓе“.