Тажната животна приказна на човекот кој секоја вечер се качувал до прозорецот на болницата за да ја види својата мајка

Во Палестина, каде што има 9.587 потврдени случаи на коронавирус, до денес, еден млад човек по име Џихад Ал-Суваити одби да се раздели со неговата заразена мајка. Откако неговата постара мајка била примена во болница бидејќи била позитивна на вирусот, на Џихад не му било дозволено да ја посети поради безбедносни причини. Но, 30-годишниот човек од Хеброн секоја вечер се качувал по цевките на ѕидот на болницата за да седи на прозорецот кој гледал во собата на неговата мајка со цел да се осигура дека таа е во ред.

Еден службеник во болницата коментирал: „Поминуваше поголем дел од денот таму, набудувајќи ја состојбата на неговата мајка од надвор од прозорецот, пред да слезе кога ќе се увери дека неговата мајка спие.“ Фотографијата од младиот човек кој гледа како неговата мајка се бори против вирусот ја сподели Мохамад Сафа и оттогаш се прошири на социјалните медиуми, допирајќи ги срцата на луѓето низ целиот свет.

Братот на Џихад, Абанг Џихад, Расми за медиумите изјавил дека неговиот брат останал тврдоглав и покрај тоа што му бил забранет влез во болница поради безбедносни причини, тој не сакал да се раздели од неговата мајка. Џихад е најмалото дете во семејството и најмногу бил поврзан со својата мајка.

За жал оваа приказна нема среќен крај. Мајката на Џихад, Разма Салама, која била болна од леукемија, не успеала да се избори со вирусот и починала. Џихад повеќе не може да ја види од прозорецот, но Мохамад Сафа одлучи преку трогателна илустрација да ја покаже оваа голема љубов.