Тест за долговечност: Колку подолго можете да висите толку подолго ќе живеете

Дали навистина би сакале да знаете колку долго ви останува да живеете? Од една страна, тоа веројатно би ве инспирирало да излезете и да ја комплетирате вашата листа на работи што не сте ги направиле. Од друга страна, можеби е депресивно да знаете колку денови ви преостануваат.

Па, науката допрва треба да открие начин да го одреди животниот век на просечниот човек. Сепак, некои показатели можат да покажат дали на некој му се заканува опасност да му се скрати животот поради влошување на здравјето.

Студијата објавена од „Clinical Interventions in Aging“ во 2019 година утврди дека силата на дланката може да биде сигурен показател за тоа колку долго некој човек ќе живее. Еден од најдобрите начини да се процени силата на дланката е да се одреди колку долго можете да висите од шипка. За да ја тестирате силата на стисокот, пронајдете си шипка, без разлика дали во теретана или локален парк, земете длабок здив и почнете да висите.

Студијата покажа дека 30 секунди е добра цел за жените, а 60 е одлична цел за мажите. Затоа, ако издржувате подолго од целта, вие ќе имате долг живот. Но, ако не можете да издржите ни 30/60 секунди, вашиот живот може да биде пократок отколку што би сакале.

Д-р Питер Атија верува дека силата на стисокот е одличен начин да се одреди целокупното здравје.

„Тоа е само одличен прокси за целокупната телесна сила и мускулна маса, но мислам дека е и многу функционална форма на сила. Во суштина, сè во горниот дел од телото е посредувано преку вашите раце. И ако вашиот стисок е слаб, сè низводно од тоа е слабо. Кога гледате некого, кој има слаб стисок како прави мртво кревање. За нив е многу тешко правилно да го направат, бидејќи не создаваат соодветен стисок“.

Лекарите Ив М. Глезиер и Елизабет Ко од UCLA Health велат дека слабата сила на стисокот е поврзана со бројни болести.

„Истражувањето продолжува да го поврзува намалувањето на силата на стисокот со низа негативни здравствени проблеми, вклучувајќи срцеви заболувања, артритис, остеопороза, дијабетес тип 2 и одредени видови на рак. Исто така, беше откриено дека е предиктор за веројатноста за постхируршки компликации, време на опоравување по операцијата и смртност“, напишаа тие на блогот UCLA Health.

Тежината може значително да влијае и на тоа колку долго човек може да виси од шипка. Значи, зарем полесните луѓе немаат неправедна предност од оние на потешката страна? Па, тежината е исто така важен показател за долговечноста. Студијата објавена во Aging Cell открила директна корелација помеѓу зголемената телесна маса и намалената долговечност.

Добрата вест за луѓето кои не успеаја да издржат доволно долго е дека може да се подобрите со вежбање да висите.