Тесто кое се меси за 5 минути, стои до 7 дена и со него може да правите домашни пецива за сечиј вкус
Ви го претставуваме најсестраното домашно тесто, вистинска тајна на многу домаќинки, кое се подготвува брзо и дава голема количина за сите видови пецива. Со овој рецепт ќе добиете меко, воздушесто и вкусно домашно тесто, совршено за кифлички, погачи, мини-пици, лепчиња и сè што ќе ви падне на ум. Она што го издвојува ова тесто е можноста да го чувате во фрижидер цела недела, па кога сакате свежо печиво, едноставно земате и обликувате – без стрес и губење време!
Состојки што секој ги има дома
За ова волшебно тесто ќе ви бидат потребни:
– 1 килограм брашно
– 2 јајца
– 1 коцка свеж квасец
– 2 лажици шеќер
– 1 кесичка прашок за печиво
– 1 лажичка сол
– 400 мл јогурт
– 100 мл масло
– 250 мл млеко
Брза подготовка: Сè за 30 минути
Во чинија измешајте топло млеко со изронет квасец, па додадете шеќер и малку брашно. Оставете ја смесата да отстои 10 минути. По активирањето на квасецот, додадете јајца на собна температура, масло и јогурт. Добро промешајте, па постепено додавајте го преостанатото брашно измешано со прашок за печиво. Замесете меко тесто, наросете го со малку брашно за да не се лепи. Оставете го на топло за да надојде околу 30 минути.
Спакувајте го во најлонска фолија или ставете го во кеса и извадете го целиот воздух. Вака, ова тесто останува свежо во фрижидер до 7 дена – секогаш при рака кога ќе посакате домашно печиво.
Коментирај анонимно