Трамп пречекан како КРАЛ во Саудиска Арабија – инвестиции од 1 трилион долари не се мала работа
Претседателот Доналд Трамп доби величествен пречек во Саудиска Арабија на првата голема странска посета од неговиот втор мандат. Саудискиот престолонаследник Мохамед бин Салман (МБС) организираше церемонија каква што Трамп ја обожава: воена парада, коњанички придружници за претседателската лимузина, пурпурен килим и интонирање на химните. Трамп, носејќи пурпурна вратоврска во склад со протоколот, пријателски разговараше со МБС. Делегациите се запознаа формално, а следеше традиционална церемонија со кафе и чај. Потоа, двајцата лидери се повлекоа во палатата за формални разговори, придружени од високи функционери како Сузи Вајлс, Марко Рубио, Хауард Латник и Илон Маск.
Цели на посетата
САД се надеваат на договор за саудиска инвестиција од 600 милијарди долари, додека Трамп нуди бизнис можности вредни до 1 трилион долари. Саудијците, пак, се заинтересирани за најсовремени американски борбени авиони F-35 и системи за воздушна одбрана, со испорака за време на мандатот на Трамп. Саудиска Арабија е првата станица од неговата четиридневна турнеја што ќе продолжи во Катар и Обединетите Арапски Емирати. Во сите три држави, Трамп има за цел да објави економски договори и да отвори простор за решавање геополитички прашања. Меѓу нив е и приклучувањето на Саудиска Арабија кон Абрахамските договори – иницијатива која ја условуваат со решавање на статусот на Газа.
Кој би одбил бесплатен авион?
Во Ријад се одржа и инвестициски форум со присуство на Илон Маск, Сем Алтман, Џани Инфантино, Енди Џеси и други бизнис лидери. Саудиско-американските економски односи се длабоки, поттикнати од нафтата и воената соработка, а кралските фондови вложиле и во фондот на Џеред Кушнер, како и во проекти на компанијата на Трамп управувана од неговите синови. Контроверзии предизвика планот Трамп да прифати луксузен авион од катарското кралско семејство како замена за доцнењето на новиот Air Force One. Тој го нарече тоа „убав гест“ и додаде дека „само будала би одбила бесплатен скап авион“.
Се работи само за интерес – на ти го, дај ми го (бизнисо)!
Коментирај анонимно