Уште еден голем срам на министерката за образование: МОЛЧИ за патните трошоци на децата кои донесоа 3 медали од европската олимпијада по информатика

Сите медиуми пишуваа за големиот успех на нашите најмлади информатичари, само тие кои ние ги избравме да ги трошат нашите пари, молчат. Мало потсетување: Министерството за образование има буџет, а тоа се народни пари, пари собрани од плаќањето даноци и од кредитите што очекувате овие деца да ги враќаат.

Реагираа и родителите на децата, кои наместо награди, добија удар по џабовите од Министерството за образование.

Реагираше и претседателот на Здружението на информатичари, д-р Миле Јованов:

„Сѐ уште чекаме одговор на барањето до МОН за покривање на трошоците за ова патување до Молдавија, како законска обврска на МОН која произлегува од законот за основно образование. Во меѓувреме се подготвуваме за учество на Интернационалната олимпијада во Египет, а најголем дел од нашите напори се за организирање на Балканската олимпијада по информатика на која ние ќе бидеме домаќини од 20-ти до 26-ти септември во Охрид. Бидејќи покривањето на сите трошоци за Балканијадата за над 100 учесници од 15 земји се трудиме да го обезбедиме само со спонзорства, упатувам јавен апел до македонските компании да ни помогнат во организацијата на овој настан“.

Децата си го направија своето, донесоа медали од натпреварот и гордо ги носеа боите на Македонија…

Дополнување:

Министерството екпресно брзо реагираше на овие поплаки и уште на првиот работен ден, го известило претседателот на ЗИМ дека донеле одлука да им ги покријат трошоците на малите генијалци.

Е ова е нешто ново на македонската политичка сцена и заслужува поздравување. Секој греши, но големината е во тоа да си ја поправиш грешката веднаш штом ќе ја увидиш.

Смеењето е најслатко кога е на своја сметка. Дознајте какви несекојдневни работи се случуваат во секојдневниот живот на Македонците на каналот Македонски несекојдневни ситуации. Испратете своја смешна слика или видео овде.