Уште една луда идеја од Кина? Планира до 2028 да печати 3D тули од месечева почва
Кина се подготвува за голем чекор во изградбата на база на Месечината преку иновативна технологија за 3D-принтање тули од месечевата почва. Мисијата е дел од вселенскиот проект „Чанг’е 8“, кој е планирано да се лансира во 2028 година. Целта е да се подготви теренот за изградба на Меѓународната истражувачка месечева станица (ILRS) и да се постават темелите за идно човечко живеење на Месечината.
Технологија со топење почва и соларна енергија
Системот ќе користи сончева енергија пренесена преку оптички влакна за да се концентрира и да ја стопи месечевата почва на температура од 1400 до 1500 степени Целзиусови. Со тоа ќе се создадат тули преку 3D-принтање, без потреба од носење материјали од Земјата.
Чекор поблиску до месечева колонија
Ако мисијата успее, оваа технологија ќе биде клучна за идни поголеми проекти на Кина за трајно присуство на Месечината и ќе отвори нови можности за истражување и живот надвор од Земјата.
Коментирај анонимно