Уште една причина плус да си дремнете! Редовната дневна дремка може да го забави намалувањето на мозокот со текот на годините, а еве што значи тоа

Од 35-годишна возраст, мозокот се намалува за 0,2 до 0,5 проценти годишно, а уште повеќе по 60-тата година. Ова може да придонесе за пропусти во меморијата, па дури и когнитивно оштетување и деменција.

Но, една студија сугерира дека луѓето кои вообичаено дремнуваат во текот на денот имаат поголем волумен на мозокот, што значи дека нивниот мозок може помалку да се намали со текот на времето и така како што стареете да останете подолго ментално остри.

Во споредба со луѓето кои вообичаено не демнуваат, се проценува дека редовните „дремкачи“ би можеле да имаат просечно 2,6 до 6,5 години помлад мозок.

Но, исто така, ова прашање може да доведе до заблуда, бидејќи луѓето можеби дремат поради здравствени состојби како што се висок крвен притисок или кардиоваскуларни болести, што може да ги направи поспани и исто така да влијае на стапката на намалување на мозокот.

Така, истражувачите наместо тоа, ја разгледале доживотната генетска предиспозиција на луѓето за редовно дремнување, што појасно покажува дали самото дремнување влијае на мозокот.

Д-р Викторија Гарфилд, постар автор на студијата, од Универзитетскиот колеџ во Лондон, рече: „Нашите наоди сугерираат дека за некои луѓе кратките дневни дремки може да бидат дел од сложувалката што може да помогне да се зачува здравјето на мозокот додека старееме. Се надевам дека студиите како оваа кои ги покажуваат здравствените придобивки од кратките дремки можат да помогнат да се намали стигмата што сè уште постои околу дневната дремка“.

Повеќе од една четвртина од луѓето над 65 дремат во текот на денот како и речиси 14 отсто од возрасните на возраст од 16 до 64 години.

Новата студија не откри дека луѓето кои редовно дремеле имале подобри тестови за визуелна меморија или биле ментално побрзи. Но, тие имале поголем волумен на мозокот, што може да биде затоа што дремките им овозможуваат на луѓето да го достигнат виталниот сон, кој може да биде со послаб квалитет во средната возраст.

Познато е дека сонот е многу важен за заштита на мозокот од ефектите на стареењето.

Истражувачите, чија работа е објавена во списанието Sleep Health, ги разгледале луѓето на возраст од 40 до 69 години од студијата на UK Biobank.

Од студијата не е јасно колку долго или колку често луѓето треба да дремнат за да ги добијат придобивките.

Но, водечкиот автор Валентина Паз, од UCL и Универзитетот на Република во Уругвај, рече: „Врз основа на претходните наоди, знаеме дека кратка дремка од пет до 15 минути е корисна за когнитивните перформанси и дека придобивките произлегуваат веднаш потоа, со тоа што периодот после ручекот е најповолен период за дремка за да се надмине привремениот пад на будноста и перформансите што се забележуваат во овој период“.