Уште ова им фалеше: Калифорнија погодена и од земјотрес со јачина од 3,7 степени во екот на најголемите шумски пожари во нивната историја

Калифорнија беше погодена од земјотрес вчера, додека државата истовремено се бори и со смртоносните пожари веќе цела недела. Земјотрес со јачина од 3,7 степени бил забележан во областа на заливот Сан Франциско околу 7:02 наутро по локално време. Епицентарот бил 7 километри југозападно од Златната порта и 4 километри западно од Големото шосе.

Повеќе од 5.000 жители пријавиле дека го почувствувале потресот, а бројот продолжува да расте. Подрачјето се наоѓа на линијата на Сан Андреас, кој се протега од северниот дел на Кејп Мендосино до јужниот дел кај Солтон Си. По главниот удар, следеле два последователни потреси со јачина од 2,2 и 2,5 степени.

Неколку стотина километри подалеку, во областа Лос Анџелес, страшни пожари веќе предизвикаа големи штети, со најмалку 10 загинати и 180.000 евакуирани лица. Пожарите зафатија и уништија над 10.000 објекти.

Градоначалникот Даниел Лури изјави дека првите служби за итни случаи веднаш биле активирани за да го заштитат населението. Засега не се пријавени повреди или значителни штети од земјотресот.

Научниците предупредуваат дека Западниот брег е долгогодишно изложен на ризик од голем земјотрес долж раседот Сан Андреас, со потенцијални катастрофални последици. Во меѓувреме, полицијата уапси осомничен за подметнување пожар кај Калабасас, додека во Малибу и Пасифик Палисејдс голем дел од домовите и природните убавини се претворени во пепел. Властите воведоа полициски час за да се спречат грабежи и натамошни нарушувања.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!