Утре во Битола – бесплатна едукација за Биткоин и крипто за секого

Ако некогаш си се запрашал што е Биткоин, зошто сите зборуваат за крипто и дали тоа е нешто што треба да го знаеш – утре во Битола имаш шанса да добиеш одговори. Бесплатно. Во живо. На македонски.

На 29 март 2026 (недела) со почеток во 11:00 часот, Народниот Театар во Битола ќе биде домаќин на крипто едукативен настан наменет за широката публика — не само за инвеститори и технолошки ентузијасти.

Настанот го организира Крипто Гемиџија — македонскиот крипто едукатор со над 3.300 едукативни видеа на македонски јазик и автор на бројни настани низ Македонија и надвор. Темата е анализа на Биткоин и алткоин циклусот 2022–2025, но начинот на презентација е наменет за секого – без претходно знаење, без жаргон, без притисок.

Влезот е целосно бесплатен.

На настанот ќе биде претставена и Motika.io — македонска платформа за кратки видеа каде корисниците заработуваат крипто токени за тоа што го прават секој ден: гледаат и создаваат содржина.

Зошто да дојдеш?

Крипто технологијата веќе не е само за трговци и програмери. Најголемите финансиски институции во светот денес инвестираат во Биткоин. Централните банки развиваат дигитални валути. Новиот глобален финансиски систем се гради на блокчејн технологија.

Информацијата е бесплатна. Незнаењето – не.

Детали:

📅 29 март 2026 (недела)
🕚 11:00 часот
📍 НУ Народен Театар Битола
🎟️ Влезот е бесплатен

Резервирај место тука.