ВИДЕО: Аргентинска навивачка која се соблече топлес се соочува со затворска казна во Катар, откако жестоко ја прослави победата на нејзиниот тим

Навивачка на Аргентина беше забележана од гледачите како го соблекува горниот дел од својата облека на жестоката прослава на спектакуларната победа на Аргентина над Франција вчера вечер, ризикувајќи затворска казна во конзервативниот Катар.

По пеналот на Гонзало Монтиел, камерите се свртеа кон навивачите на Аргентина, а меѓу нив имаше и русокоса навивачка која на камерите им даде малку повеќе од очекуваното.

Во пресрет на турнирот, навивачите беа предупредени дека од нив ќе се бара да ги почитуваат строгите, конзервативни обичаи на Катар.

Катарската туристичка управа изјави: „Од посетителите (мажите и жените) се очекува да покажат почит кон локалната култура со тоа што избегнуваат прекумерно откривање облека во јавноста. Генерално им се препорачува на мажите и жените да се погрижат нивните рамења и колена да бидат покриени.

Во конзервативен Катар, на жените им е забрането да носат какви било привлекувачки „аутфити“, како што е тесна облека и да покажуваат какво било деколте.
Жените кои не се од Катар не се обврзани да носат абаја – долга црна наметка која ја покрива фигурата речиси од глава до пети.

Но, туристите треба да се погрижат горните делови да им ги покриваат средината и рамената, додека здолништата, фустаните и панталоните мора да ги кријат колената.

Хрватската манекенка Ивана Нол (26), наречена „најсекси навивачка“ на Светското првенство ги прекрши драконските правила за облекување на муслиманската нација, носејќи серија смели облеки, вклучително и костими за капење, инсистирајќи дека не се плаши од апсење.

Аргентина ја совлада Франција вчера вечер во спектакуларен фудбалски натпревар кој ја покажа пргавоста и непобедливите вештини на Аргентина.

Исто како што ѕвездата Лионел Меси го бакнуваше посакуваниот златен трофеј, тој исто така доби бакнеж од неговата најверна навивачка, сопругата Антонела Рокузо.

Аргентинските навивачки беа видени како прават селфи, навиваат и повторно се обединуваат со своите партнери на теренот за да го споделат моментот на слава.

Во меѓувреме, за француската страна, тоа беше катастрофален пораз во последната фаза од натпреварувањето што дури и го покажа претседателот Емануел Макрон како ја теши својата сопруга Брижит Макрон.