ВИДЕО: Дали некогаш сте размислиле со колкава брзина се движи Меѓународната вселенска станица (ISS)? Нејзината брзина е навистина фасцинантна!

Ако некогаш сте се запрашале колку брзо се движи Меѓународната вселенска станица (ISS), сега е време да дознаете.
И покрај тоа што ISS ја нема неверојатната брзина на сонди за длабока вселена или Соларната сонда Паркер, која патува со 532.000 километри на час во однос на Сонцето, сопствената брзина на станицата од 28.000 километри на час е сè уште импресивна. Тоа значи дека орбитира околу Земјата на секои 90 минути, снимајќи 16 изгрејсонца и зајдисонца во текот на секој ден на Земјата.

Сепак, за вистински да ја цените оваа неверојатна брзина, треба да ја видите ISS во лет наспроти позадината на Земјата. Еден канал на „YouTube“ ја даде оваа можност со правење видео користејќи „Microsoft Flight Simulator 2020“ што визуелно ја споредува брзината на ISS со брзината на звукот.

На видеото можете да видите како ISS брза над шумите, лета покрај планинските масиви и над мегаградите за само неколку секунди.

ISS не е бесмртна, а по завршувањето на мисијата ќе биде уништена со постепено спуштање на орбитата. Во 2031 година ќе заврши во ненаселена област на Јужниот Пацифик наречена Поинт Немо.