Вистинските мажи знаат дека кога се сака, не постојат граници: Маж ја пресоздаде сцената од „The Wedding Singer“ за да ја запроси својата девојка во текот на летот.

Извршниот директор од Пенсилванија пресоздаде сцена од филмот „The Wedding Singer“ и ја запроси својата девојка за време на летот.

Сем Рибер (34) и неговата свршеница Лиси Алден (37) патувале кон Мексико на роденденот на Лиси, кога Сем ја изненадил со изведба што завршила со него на колена.

Рибер и Алден се љубители на филмови, па кога Сем решил да ја запроси во октомври 2024 година, знаел дека сака да пресоздаде сцена од класикот со Адам Сандлер од 1998 година.

Рибер, чие работење е насочено кон физичкото здравје, успеал да прошверцува реквизит-гирара во авионот без Лиси да забележи и соработувал со стјуардесите, креирајќи кодни зборови за да го спроведе изненадувањето.

На половина од летот од Шарлот, Северна Каролина, до Мексико Сити, на Бадник, Рибер ѝ пеел серенада на Лиси, песната од филмот, и ја запросил, добивајќи големо „Да!“ како одговор.
„Тоа беше толку посебен момент,“ изјави Рибер. „Речиси не можев да поверувам дека сè испадна совршено.“

Двојката се запознала пред помалку од една година, во февруари 2024 година, на вечера за Шабат и веднаш почувствувале поврзаност.

Осум месеци подоцна, Рибер решил дека сака да ја запроси и почнал да го планира предлогот. Рибер отсекогаш бил обожавател на филмот „The Wedding Singer“ и знаел дека сака да ја запроси како ликот на Адам Сандлер, Роби, кој ѝ пее серенада на својата љубена Џулија (толкувана од Дру Баримор) со песната „Grow Old With You“ во сцена со запросување во текот на летот.

„Лиси никогаш не го имаше гледано филмот, па морав да најдам начин да ѝ го претставам без да ѝ откријам нешто,“ вели Рибер. „Успеав лежерно да предложам филмска вечер. Таа се согласи, и за среќа, филмот ѝ се допадна исто колку и мене. Оттогаш често ја пеевме таа песна еден на друг, бидејќи редовно цитираме или пресоздаваме сцени од филмови за да се забавуваме, но таа немаше никаква претстава за мојот поширок план.“

Рибер ја добил поддршката од стјуардесите во авионот, кои му помогнале да го организира совршениот предлог.

„Имав среќа да ја добијам поддршката од екипажот. Тимот надмина сè за да помогне, дури воведоа и коден збор ’сок‘ за да знам кога да ја земам гитарата што ја криеја за мене.“

„Речиси не отидов на таа вечера за Шабат во февруари, бидејќи бев уморна, но мајка ми ми рече дека треба да јадам, и толку ми е драго што отидов. И двајцата сме излегувале со многу луѓе претходно, па кога почувствувавме дека ова е вистинското, не сакавме да чекаме.“ рече Алден.

„Иако немав поим дека ќе ме запроси тогаш и таму, разговаравме за иднината, па не беше сосема изненадување,“ рече Алден. „Кога започна, претпоставив дека е поврзано со мојот роденден, бидејќи веќе направи неколку гестови, како што беше надградбата на бизнис класа. Но кога клекна на едно колено, сфатив што се случува и почувствував огромна среќа. Тоа беше дефинитивно еден од најдобрите моменти во животот.“

Двојката ужива во нивната свршувачка и засега немаат конкретни планови за нивната свадба.