Вистинско божиќно чудо: Семејство од Флорида повторно се соединило со исчезнатото куче на Бадник откако кучето заѕвонело на вратата

Ова беше вистинско божиќно чудо за едно семејство во Флорида.

Најдобриот подарок што можеле да го добијат за празникот беше повторното соединување со нивното куче, кое исчезнало девет дена пред Бадник.

На 24 декември, во два и половина часот наутро, семејството Комер го слушнало ѕвончето на вратата. Кога провериле на камерата, го виделе нивното куче, по име Атена, како упорно ѕвони и гребе на вратата.

„Беше околу 2:30 наутро, на самиот Бадник. Се разбудив од звуците и ја видов Атена на камерата. Не можев да поверувам“, раскажува сопственичката Брук Комер за WJAX.

Четирите мали деца на Комер, кои биле тажни поради исчезнувањето на Атена, брзо се разбудиле од возбуда и се придружиле на радосното соединување.

„Се обидов да не ги разбудам, но возбудата беше преголема, па сите станавме“, додава Комер.

Атена, која има 4 години, исчезнала на 15 декември. Семејството изработило флаери, поставувало објави на интернет и пребарувало часови снимки од камери за надзор. Со помош на комшиите и жителите од околните градови Џексонвил и Сент Аугустин, организирале потрага низ населбите.

„Го следевме секој пријавен случај на забележување. Многу луѓе ја виделе Атена како шета низ различни населби, и тоа ни даваше надеж дека е жива“, изјави Комер.

Атена се вратила дома токму на време за да го помине Божиќ со своето семејство.

Оваа необична приказна, исполнета со љубов и упорност, е доказ дека чудата навистина се случуваат, особено во празничниот период.