Во Египет пронајдени 13 мумии со златни јазици

Археолозите открија 13 мумии со златни јазици и клинци на гробишта во древниот египетски град Оксиринхус. Човечките останки датираат од периодот на Птоломеј (околу 304-30 п.н.е.), известува Live Science.

Вкупно, археолозите открија 52 мумии и 13 златни јазици. Вреди да се одбележи дека едната мумија имала два златни јазици, а другата имала клинци покриени со златни плочи.

Претходно, археолозите открија 16 златни јазици во Оксиринхус. Се верувало дека златото е „телото на боговите“, па древните Египќани вметнувале такви јазици во мумиите за да им помогнат на мртвите да зборуваат во задгробниот живот.

Салима Икрам, професорка по египтологија на Американскиот универзитет во Каиро, не ја исклучува можноста дека златните јазици „можеби биле во мода во работилниците за балсамирање во регионот“.

За време на ископувањата, археолозите пронајдоа и 29 амајлии. Некои се обликувани како бубачки од скараби, како и египетски божества, вклучувајќи ги Хорус, Тот и Изида. Некои од нив имаат форма на неколку божества во исто време.

Ископувањата открија и ѕидни слики, вклучително и слика на сопственикот на гробницата по име „Вен-Нефер“ придружен од неколку египетски божества.

Друга слика на таванот ја прикажува небесната божица Нут опкружена со ѕвезди. Има и слика од чамец со неколку божества на него.

Што се однесува до сликите, нивниот квалитет е навистина одличен, а свежината на боите е едноставно неверојатна“, коментира Франческо Тирадрити, египтолог од Универзитетот Д’Анунцио во Киети-Пескара во Италија, за откритието.