Во Пекинг се отвори првата продавница што целосно ја води хуманоиден робот – иднината веќе е овде!

Galbot G-1 е задолжен за сè во продавницата: од поздравување на муштериите, сервирање пијалаци, закуски и дури и фармацевтски производи. Сè тоа го прави самостојно, без ниту еден човек зад сцената, благодарение на сопствениот софтвер GroceryVLA и GraspVLA. Додека неговите движења се уште не се совршено брзи, спектаклот е толку голем што луѓето се редат во долги редови само да го видат во акција.

Иако роботот во моментов претставува повеќе технолошки експеримент отколку секојдневна потреба, компанијата Galbot планира брзо проширување низ Кина. Само минатата недела отворија уште еден објект во познатата туристичка атракција Летната палата во Пекинг, а со план за 100 нови продавници во 10 кинески градови до следната година.

Генералниот директор Вен Аиронг открива дека роботите имаат две големи задачи за надминување: природна вербална комуникација и зголемена брзина на работа. Во реалните услови, проблемите со бучава, акценти и разни дијалекти го отежнуваат развојот на фино настроени системи, а се уште не е јасно и на кој дијалект е најпаметно да комуницира роботот со луѓето. Брзината на движење и манипулација е исто така далеку од „научно-фантастичното“ ниво.

Иако робопродавниците сè уште се во експериментална фаза, нивната појава ни овозможува да погледнеме во иднината на технологијата и нејзиното влијание врз секојдневието, работната сила и комуникацијата. Како што роботите се повеќе навлегуваат во јавниот живот, светот ќе мора да одговори на низа безбедносни, културни и социјални прашања.