Во земјата на тангото и шаренилото: 10 интересни факти за Буенос Аирес

Шармантниот главен град на Аргентина буди асоцијации за танц, музика, уметност, срдечни луѓе. Кој не би сакал да го посети? Ви пренесуваме десет интересни факти за градот кои можеби не сте ги знаеле, а можеби ќе ве инспирираат да го посетите.

1. Улиците се уредно „средени“, а една населба посебно им оддава почит на жените

Буенос Аирес е лесен за снаоѓање, без оглед на неговата големина и градскиот хаос што неизбежно доаѓа со секој поголем град. Улиците се наредени слично како Њујорк – тие главно се вкрстуваат под прав агол и се добро организирани. Посебно убаво и романтично место се вика Puente de la Mujer, мост кој привлекува парови и неговото име ја нагласува рамнотежата помеѓу машкиот и женскиот свет. Значајно е и тоа што се наоѓа во населбата Пуерто Мадеро, каде што повеќето улици носат женски имиња, според женските хероини од аргентинската историја. Ова е редок пример на населба во главниот град чии улици се толку „женски“.

2. Розовата куќа е новата Бела куќа

Претседателот на Аргентина не живее во Белата, туку во Розовата куќа. И навистина е нежна, пастелно розова боја, поради што се нарекува Casa Rosada. Се наоѓа во Буенос Аирес, а за потеклото на бојата се уште се расправа. Некои велат дека бојата го симболизира единството на две политички партии од крајот на 19 век (едната симболизира бела, другата црвена), додека други потсетуваат на крвта на кравите некогаш користена во бојата бидејќи се верувало дека крвта штити од топлина и влага.

3. Една од најголемите јапонски градини надвор од Јапонија

Отворена за јавноста во доцните 1960-ти, јапонската градина требаше да биде почит на доаѓањето на јапонскиот принц Акихито и принцезата Мичико. Jardin Japonés de Buenos Aires е место каде доминира зеленило, езерца, црвени дрвени мостови, бонсаи дрвја… Оваа ориентална оаза е една од најголемите јапонски градини во светот кои се надвор од Јапонија.

4. Градот во кој се роди тангото – од проституција

Се верува дека танцувањето танго потекнува од Буенос Аирес и Монтевидео (главниот град на Уругвај, лоциран спроти Буенос Аирес). Исто така, неговото раѓање не беше баш резултат на најромантичниот состанок. Потекнува од работничките населби, поточно во борделите. Во тоа време, многу имигранти од Европа и Африка работеа во градското пристаниште и поминуваа време во барови во вечерните часови, барајќи малку забава. Танцот потекнува од имитирање на интеракцијата на проститутката и нејзиниот макро, а поради неговите сензуални и сексуално сугестивни движења предизвика бес кај елитите. Меѓутоа, со текот на времето, неговата популарност растеше, а Европејците беа особено воодушевени.

5. Град кој обожава книги

Според податоците собрани од Форумот за култура на светските градови, Буенос Аирес е на самиот врв во светот по бројот на книжарници по глава на жител. Има преку 700 книжарници – од оние со модерни наслови до постарите антикварници. Најпознатата книжарница се вика El Ateneo. Некогаш бил познат како Гран Сплендид театар, во кој настапувале најпознатите танго танчери, се додека не се претворил во кино, а потоа во огромна книжарница со галерија на приземје и кафуле на врвот.

6. Метрото е најстарото во Латинска Америка

Метрото беше отворено во 1913 година под името „Ел Субте“. Не само што ова го прави најстарото во Латинска Америка, туку и едно од најстарите метроа во светот (на пример, она во Мадрид беше отворено дури во 1919 година). Потоа ја поврза Претседателската палата (Casa Rosada) со Конгресот, а станиците беа прекрасно украсени со разни орнаменти и бои.

7. Најшироката улица во светот

Името го добила по датумот кога Аргентина станала независна држава, 9 јули 1816 година. Изградена на почетокот на 20 век, со своите 12 ленти и широка 140 метри, се смета за најширока улица во светот. Тоа и за вас како пешак значи дека ќе изгубите најмалку пет минути за да го поминете затоа што треба да чекате на два-три семафори, во зависност од тоа каде ќе се најдете.

8. Кондом на обелиск

Огромниот споменик е висок 67 метри, а е поставен во 1936 година. Често се користи за разни намени, па за Божиќ се украсува како бор, а за државните празници на него е проектирано државното знаме. Но, во една прилика доби неочекувана облека. Со оглед на неговиот… убав изглед, некој се сети дека може добро да се справи на Светскиот ден за борба против СИДА 2005 година. Да, Аргентинците на својот споменик го ставија најголемиот кондом во историјата.

9. Четириножни жители на градот: мачки и кучиња

Аргентинците очигледно многу ги сакаат своите миленици, без разлика дали се тоа мачки или кучиња, кои се многу вообичаена глетка на градските улици. Повеќе од половина од населението има барем едно домашно милениче и не е невообичаено да се видат професионални шетачи на кучиња со речиси десет кучиња кои шетаат истовремено. Но, тоа има и друга страна – и кучињата имаат свои потреби, а градот понекогаш има проблем да ги расчисти тие потреби…

10. Гробиштата како врвна атракција

Без разлика дали мислите дека најпосетуваниот дел од градот е Претседателската палата или најшироката авенија, се лажете. Во првите три атракции се – градските гробишта. Изградени во 1822 година, гробиштата Реколета се како град сам по себе, особено кога се гледа од висината на неговите куполи. Содржи големи „населби“ разделени со улички и повеќе од 5.000 различни мавзолеи, а тука почиваат некои од најважните личности во аргентинската историја – нобеловци, воени херои, Ева Перон… Светските медиуми како Би-Би-Си и Си-Ен-Ен ги прогласија за едни од најубавите гробишта во светот.