„Воскреснав по срцев удар: Сега имам два родендени и се возбудувам и за најмали работи“

На почетокот на 2023 година, животот на Лорен Канадеј од Вирџинија засекогаш се промени кога нејзиното срце престана да чука на половина час. 39-годишната жена која боледувала од епилепсија доживеала трагичен момент откако доживеала тежок напад.
Во тој момент нејзиниот сопруг брзо реагирал и почнал да прави вештачко дишење, обидувајќи се да и го спаси животот додека не пристигнала итната помош. Лекарите, пак, потрошиле 24 минути за да ја оживеат Лорен користејќи дефибрилатор.

Лорен подоцна ги сподели своите сеќавања за времето што го поминала технички „мртва“. Таа го опишува како пријателско и мирно чувство, иако не може да се сети на конкретни форми или визии.

„Се чувствував како да се топам и се чувствував навистина добро“, вели таа.

Невообичаено, Лорен се чувствувала помалку стресна и вознемирена откако се вратила во живот.

„Ниту една од грижите што ги имав претходно не беше важна, и бев неверојатно возбудена за едноставни работи како чизбургери“, сподели Лорен.

Се испостави дека боледува од Ковид-19, а лекарите го поврзале нејзиниот срцев удар со воспаление во срцето предизвикано од ретка компликација на вирусот.

„Се чувствувам како ова да ми е втор живот. Имам два родендени“, вели таа сега.

Лорен порано била независна и силна, но сега нејзиниот светоглед целосно се променил.

„Удобно ми е главно во зависност од другите“, признава таа.