Вработена во „8-ми Септември“ одзела платежна картичка од пациент и си пазарела по маркети

Вработена во Градската општа болница „8-ми Септември“ се здоби со кривична пријава откако е утврдено дека одзела платежна картичка на човек кој лежел во болницата, пазарела низ неколку продажни објекти, па потоа ја вратила картичката.

53-годишната жена во службен разговор го признала делото, и после целосното документирање ќе бидат преземени мерки. А дали на лицето С.М кое лежи во болница ќе му бидат вратени средствата не се знае. Па од сега натаму покрај тоа што ќе се плашите дали ќе биде се во ред со вашето здравје додека лежите во болница, исто така пазете се и да не ве ограби некој.