За сите зафатени мајки: Жена споделува трик со кој со експресна брзина ќе го расчистите нередот низ домот

Кога почна ерата на работа од дома, многумина се надеваа дека ќе можат да ги одржуваат своите домови почисти со тоа што ќе средат нешто меѓу работните задачи. Но, во реалноста, работата од дома често значи постојан неред, предмети кои не се на своето место и хаос што изгледа како да се појавува од никаде—особено за оние со деца.

Поради ова, триковите за чистење станаа многу популарни на социјалните медиуми. Има нешто многу задоволувачко во брзи и лесни решенија за чистење.

Еден популарен трик доаѓа од мајка и терапевтка. Таа споделува метод што го нарекува „ultimate“ метод за расчистување, особено за зафатени мајки, но може да работи за секого.

„Ако сте зафатена мајка што работи и ви треба трик за да ги средите работите во текот на денот или неделата без да се чувствувате преплавени од нередот во вашиот дом, слушајте понатаму,“ вели Али во своето видео. „Не можам да поднесам валкан или неуреден дом. За мене, тоа е мојот најлош кошмар.“

Тука доаѓа нејзината идеја за „количка за чистење.“

Али покажува едноставна бела количка со тркала и три полици. Идејата е да ја тркалате оваа количка низ домот и брзо да го собирате секој неред—како играчки, чевли или облека—што лежи наоколу. Потоа, ја поставувате количката до ѕид. И, ете така, вашиот дом изгледа почист за неколку минути.

Али забележува дека на крајот ќе треба да ги ставите сите работи на свое место од количката, но барем помага првично да се расчисти нередот, правејќи го просторот помалку хаотичен. Додека да најдете време и да ги средите кај што им е местото.

„Навистина помага со тоа чувство на преплавеност кога ќе се вратите дома по напорен ден и треба да се грижите за сè,“ додава таа.