Жена којашто била во сексуална врска со авион девет години, вели дека конечно раскинала со него: „Ние сѐ уште сме пријатели“

Жена која девет години била во сексуална врска со авион откри дека раскинала со него, но тие и понатаму остануваат да бидат пријатели.

Микеле Кобке (36) првпат влегла во неверојатната афера со Боингот 737-800, кој го нарекува „Дарлинг“, во 2014 година. Таа претходно за „Дарлинг“ изјави: „737-800 ми е многу привлечен и секси. Тој е најубаво изграден, и е многу привлечен и елегантен авион“.

Но, таа откри дека оттогаш раскинала со нејзиниот партнер, велејќи за „Билд“ дека раскинувањето било пријателско: „Сè уште сме пријатели“.

Пред неколку години на Микеле ѝ беше дијагностициран објектофил: „Јас сум нормална. Мора да се признае, на почетокот мислев дека сум луда. Но, тогаш дознав дека сум објектофил. Луѓето едноставно се многу разновидни во начинот на кој ги структурираат нивните односи“.

„Тоа е како нормална врска, заедно имаме релаксирачки вечери и кога одиме во кревет, заедно се гушкаме и заспиваме“, додаде таа.

Таа претходно за врската со авионот изјави: „Ме болат образите од насмевка, јас сум најсреќната жена на светот – кога сум со него имам сѐ што ми треба“.

Она што Микеле го смета за особено неодоливо кај 737-800 се неговите крила.

„Кога ќе ги допрам неговите крилја, веднаш ми се потат дланките и се возбудувам“, откри таа, додавајќи дека сака да се омажи со него и да живее во хангар.

Судскиот психијатар и приватен предавач д-р Вернер Плац изјави за весникот дека има околу 40 луѓе ширум светот за кои се знае дека го имаат ова нарушување.

„Тоа е таканаречена парафилија, нарушување на сексуалната наклонетост. Но, сè додека не предизвикува страдање или конфликт, не може да се класифицира како патолошка состојба или да има потреба од третман“, рече тој.

Микеле претходно зборуваше за тешкотиите да се биде во врска со авион: „Можам да му се доближам само кога ќе летам со него или кога ќе стигнам до него во хангарот, што се случи само еднаш во мојот живот“.

Микеле не е единствената која се заљубила во Боинг 737. Сара Родо од Дортмунд, Германија, пронашла љубов на својот прв лет со Боингот 737 – по неисполнет обид да излегува со луѓе.