Жена од Виетнам позната како „шивачката што никогаш не спие“, тврди дека не ги склопила очите ниеднаш во последните 30 години: „Тоа воопшто не влијае на моето здравје!“

Во малата виетнамска провинција Лонг Ан, работи 49-годишната Нгујен Нгоц Му Ким, која го доби прекарот „непроспиен мутант“. Ким тврди дека не спиела ниту една ноќ во последните три децении.

Оваа извонредна жена е позната и како „шивачката која никогаш не спие“. Прекарот стана дел од нејзиниот идентитет и таа со задоволство го прифаќа. Нгујен Нгок Му Ким им кажува на новинарите дека навистина не спиела многу години и дека тоа на било кој начин не влијаело на нејзиното здравје. Сепак, таа не се смета себеси за аномалија на природата.

„Не сум родена со оваа способност“, вели Ким, „се научив да си легнувам доцна уште од детството“.

Се започна со навиката да чита до доцна во ноќта. Потоа, кога почнала да работи како шивачка, морала да работи до доцна во ноќта за да ги заврши нарачките на време.

„Секоја вечер беше вака: седев кај мојата машина за шиење и не се осмелував да заспијам бидејќи се плашев дека нема да можам да се справам со нарачките“, рече Ким. „На почетокот заспивав додека работев, правев грешки, се чувствував уморна и имав вртоглавици, па дури и имав несреќи“.

Но, постепено нејзиното тело се прилагодило на недостатокот на сон.

„Откако останував будна со месеци, а потоа со години, моите очи и моето тело се навикнаа на недостаток на сон. Оттогаш, не можев да спијам дури и да сакам“, додава таа.

Иако медицината сè уште не ја потврдила состојбата на Ким, нејзината приказна продолжува да предизвикува интерес. Во Лонг Кан, светлата во нејзиниот дуќан се вклучени 24 часа на ден, а вратите се секогаш отворени. Локалните жители и посетителите можат да застанат и да ја видат на работа во секое време. На почетокот не многу луѓе обрнуваа внимание на мојот недостаток на сон“, вели Ким. „Но, со текот на времето, луѓето почнаа да забележуваат дека секогаш работам. Гледајќи дека гласините се вистинити, тие се проширија и набрзо станав позната по мојата способност да останам будна цело време“.

Неодамнешниот наплив на интерес за нејзината приказна на социјалните мрежи покажа дека Ким повторно привлекува толпи посетители. Луѓето доаѓаат од целата земја за да го видат тоа со свои очи и да ја потврдат вистинитоста на легендата. И се чини дека на Нгујен Нгоц Му Ким не ѝ пречи. Нејзините врати се секогаш отворени, а светлата остануваат запалени цела ноќ.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!