Жена освои 10 милиони долари на лотарија откако „непристоен човек“ удрил во неа

Шансите да добиете на лотаријата во Калифорнија зависат од тоа на која варијанта одите: лотаријата CA Lottery Fantasy 5 имате шанси за нешто помалку од еден спрема 600.000; Џекпот на Калифорнија Супер Лото Плус е еден на 42 милиони.

Во победа која сигурно ќе ги повреди оние кои религиозно ги играле истите бројки, секоја недела, до бесконечност, една жена успеала да извлече голема победа сосема случајно.

ЛаКуедра Едвардс вложи 40 долари на автомат за лотарија во Калифорнија во еден супермаркет Vons во Тарзана во ноември минатата година. Како некој што многу ретко трошел пари за вакви работи за неа биле многу.

Но, во моментот кога требала да ја избере опцијата која сакала да ја игра „непристоен човек“ се залетал и удрил во неа. Таа рече: „Тој само удри во мене, не рече ништо и само излезе низ вратата“.

Вообичаено, Едвардс ги трошела своите пари на голем број билети со пониски цени. Меѓутоа, поради овој „судир“, таа на крајот го потрошила најголемиот дел од тоа на еден билет; поконкретно, билет од 30 $ 200X Scratchers, затоа што случајно го кликнала кога ја удрил човекот.

Замислете ја вознемиреноста: влеговте во продавницата за да купите куп лотарија, и сте излегле со една од најскапите понудени ливчиња за гребење. Сепак, во извонреден пресврт на судбината, картичката завршила како добитна и тоа за 10 милиони долари.

Едвардс рече: „На почетокот навистина не верував, но се приклучив на автопатот 405 и продолжив да гледам надолу кон билетот и за малку ќе го судрив мојот автомобил.“

„Се повлеков, го гледав повторно и повторно, го скенирав со мојата апликација [мобилна лотарија на Калифорнија] и само продолжив да размислувам: ‘Ова не може да биде точно’“.

„Сè уште сум во шок. Сè што се сеќавам кога еднаш дознав колку сум освоила реков: ‘Јас сум богата!’“

Едвардс планира да ги потроши своите добивки на нова куќа и основање непрофитна организација. Во меѓувреме, супермаркетот што го продаде билетот доби бонус од 50.000 долари.

Реагирајќи на социјалните мрежи, еден корисник напиша: „Личноста што налета на неа веројатно сега бара адвокат за да побара половина од наградата што ја заслужува“.