Жената со дрво си го одбранила мажот од крокодил, кој веќе го проголтал до половина

Ентони Жуберт (37) и неговиот шеф Јохан ван дер Колф (36) од Јужна Африка изнајмиле фарма за викендот за да одат на риболов и да имаат пикник со своите семејства. Додека ловеле риби, 12-годишниот син на Жубер успеал да фати нешто. Момчето се обидело да ја извлече рибата од водата, но таа се заглавила во гранките на едно дрво.

Човекот му рекол на својот син да остане на брегот додека тој оди во водата за да го отплетка конецот. Во тој момент ненадејно го нападнал крокодил кој седел во заседа и чекал погоден момент.
„Не ги видов своите нозе, само неговите заби и лошите очи“, се сеќава Жубер. „Тие ме погледнаа додека тој се оддалечуваше од брегот за да ме повлече во длабочините“.

Човекот се сетил дека во такви случаи се советува да се изврши притисок врз очите на крокодилот. Тој се обидел да го направи тоа, но рептилот само го протресол како партал. По ова, Ван дер Колф му пришол на помош на Жубер: го фатил и почнал да го влече кон брегот, додека крокодилот влечел кон водата.

Потоа на сцена стапила сопругата на Жубер со едно дрво во рацете.

„Бев во целосен шок. Мојот сопруг веќе беше половина во огромниот крокодил. Зедов едно дрво, истрчав до водата и почнав да го удрам крокодилот по главата додека не го пушти“, рече Анализ Жубер, сопругата на жртвата.

Жртвата била извлечена од езерото, по што сопругата му ги дезинфицирала и му ги преврзала раните. Мажот потоа бил однесен во болница.

„Искрено мислев дека ќе ми ги скине нозете“, признава Жубер. „Ако ги погледнете раните, тешко е да се поверува дека не ги изгубив“.