Женава има куќа како што се градат кај нас со бетон, а не дрвена како другите Американци, и сите ги нервира зошто не му се плаши на ураганот Милтон и не се евакуира

Една жена од Флорида сподели неколку видеа од подготовките на нејзиното семејство за ураганот Милтон. Таа истакна дека планираат да се скријат во нивната куќа, изградена од нејзиниот сопруг, бидејќи куќата е изградена од бетон и цигли и е цврста.

Но, комшиите брзо реагираа нервозно и ја етикетираа како богатшка што сака да се фали штом има таква куќа. Значи ние тука сме сите богаташи а не сме ни свесни…

И покрај тоа што на жителите на Флорида им е кажано да ги евакуираат своите домови, мајката на три деца останува со својот сопруг и куче по име Зевс.

Во своите видеа, жената ја покажуваше својата куќа, направена од бетон, со плажа зад дворот.

Гледачите брзо реагираа на нејзините видеа, многумина ја критикуваа за нејзиниот ‘скромен’ став, додека други ѝ испратија добри желби и ја замолија да ја пренесе ситуацијата во живо за време на ураганот.

По тоа што го документираше каква штета претрпе нејзината куќа за време на ураганот Хелен, која пред две недели го погоди јужниот дел на САД, таа веднаш почна да им покажува на своите 182,000 следбеници какви подготовки прави за предвидениот ураган.

Таа сними големо палмово дрво во својот двор со натпис: „Ова навистина ќе ве налути!“

Потоа, таа го покажа погледот на својата огромна куќа, опкружена со многу камиони и работници кои ѝ помагаат да се подготви за ураганот.

„Затоа не планирам да одам. Мојот сопруг ја изгради оваа куќа. Таа е изградена од солиден бетон. Не ми е важно што луѓето велат – ‘О, толку си богата, о, толку си богата, о боже’, што и да е, мојот сопруг е градежник“, вели таа.