Жива легенда! Човек од Флорида си ја „врзал“ целата куќа со ремени за ураганот Милтон да НЕ МОЖЕ да ја уништи

Човек кој си ја врза целата своја куќа со ремени за земја, пред да удри ураганот на Флорида, стана интернет сензација благодарение на „легендарната“ идеја.

Жителот на Тампа, Мохамед Ниџем, неодамна стана вирален откако локалниот медиум „Spectrum Bay News 9“ сподели слика на „X“, за екстремните подготовки што ги презел пред ураганот Милтон.

Мохамед поставил шест огромни ремени околу својот еднокатен дом во обид да го спречи да се сруши или да го оддува ветер кога ќе започне бурата. Објавата, која беше прегледана повеќе од 1,8 милиони пати, остави многу корисници на социјалните мрежи фасцинирани.

Некои рекоа дека се импресионирани од неговите напори, нарекувајќи го „легенда“ и пофалувајќи го дека „размислува неконвенционално“. Други признаа дека ги интересира дали неговата идеја навистина функционира.

Властите издадоа наредби за задолжителни евакуации во 11 окрузи на Флорида со вкупно население од околу 5,9 милиони жители – и предупредувајќи дека секој што ќе остане, одговара сам за себе.