Златниот ретривер Такер Буџин заработува 1 милион долари годишно на социјалните мрежи… веќе се прашувате зошто не сте се родиле како куче, нели?

На социјалните мрежи, 5-годишниот златен ретривер Такер Буџин е број 1, според истражувањето на „Printed Pet Memories“.
Тој е куче со милион долари и од својата 2 година, неговите годишни приходи од спонзорирано рекламирање се постојано со седум цифри.

„Платената објава на „YouTube“ може да чини некаде од 40.000 до 60.000 долари за 30-минутен преглед“, рече сопственичката на Такер, Кортни Буџин. „На „Инстаграм“ заработуваме околу 20.000 долари за три до осум приказни“.

31-годишната Буџин, која чистела куќи, и нејзиниот сопруг Мајк, градежен инженер, дале отказ за да се грижат за Такер и неговиот син Тод во секое време.

Таа ја отворила страницата на Такер на „Инстаграм“ на денот кога тој наполнил 8 недели, во јуни 2018 година. Следниот месец, неговото прво видео станало вирално.

„Му дадовме коцка мраз, а тој само си играше со шепата“, рече Буџин од Мичиген.

„Бев изненадена што толку многу луѓе беа заинтересирани за моето куче исто како што беа за мене. Кога имаше 6 месеци, имаше 60.000 следбеници… Беше лудо“.

Такер сега има околу 25 милиони следбеници на социјалните медиуми – 11,1 милиони на „TikTok“, 5,1 милиони на „YouTube“, 4,3 милиони на „Facebook“, 3,4 милиони на „Instagram“ и 62.400 на „Twitter“.