Зошто Кина ги чува во тајност најголемите пирамиди на светот?

Најголемите пирамиди во светот не се во Египет, туку во Кина. Иако египетските пирамиди во Гиза се меѓу најпознатите светски чуда, сведоштвата за огромни пирамиди на територијата на Кина долго време го привлекуваат вниманието на авантуристи и истражувачи.

Во 1945 година, американскиот пилот Џејмс Гаусман сведочел за огромна пирамида од бел блескав материјал во централна Кина. Иако успеал да ја фотографира, фотографијата исчезнала, а кинеските власти не дале официјален коментар. Слични извештаи доаѓаат од 1960 година, кога новозеландскиот пилот Брус Кети објавил информации за кинеските пирамиди, поткрепувајќи ги со белешки на Фред Шредер, трговец кој патувал низ Кина во 1912 година. Според Шредер, пирамидите се протегале на осум километри во близина на Сиан, древната престолнина на Кина. Најголемата од нив достигнувала висина од 300 метри, што е двојно повеќе од Големата пирамида во Гиза.

Значајно е тоа што аглите на најголемата пирамида биле ориентирани според страните на светот, секој со различна боја: црна, сина, црвена и бела. Оваа карактеристика е слична на учењето на Маите за боите на светот.

Во 1974 година, близу една од пирамидите беше откриена познатата Теракотна армија и мавзолејот на императорот Цин Шихуанди. Се смета дека пирамидите биле гробници на владетели, но многу од нив остануваат затворени за истражување. Современата технологија откри деветстепена пирамида под мавзолејот, но археолошките истражувања се ограничени.

Интересно е што пирамидите околу Сиан се видливи на сателитски снимки, а многу од нив се наоѓаат дури и во самиот град. Се претпоставува дека овие древни градби биле создадени од првите потомци на „синовите на небото“, како што велат легендите.

И покрај напредокот на науката, кинеската влада продолжува да ги финансира истражувањата на овие мистериозни пирамиди, оставајќи многу прашања без одговор.