Зошто „мачо“ мажите не сакаат да купуваат електрични автомобили?

Електричните возила често се сметаат за иднината на транспортот, а титаните како „Форд“ и „Тесла“ се тркаат кој подобри ќе ги направи. Но, една нова студија открива дека „мачо“ мажите можеби нема да го гледаат ова на ист начин, затоа што електричните автомобили може да им го нарушат имиџот.

Д-р Мајкл Парент, истражувач на Универзитетот во Тексас во Остин (UT), тврди дека мажите на кои приоритет им е да се однесуваат „како вистински маж“ имаат поголема веројатност да не купат автомобил на струја. Наместо тоа, претпочитаат возила на бензин со високи перформанси, што предизвикува алармантна и неочекувана неизвесност за напорите против климатските промени.

„Тоа не би бил главен двигател на климатските промени, но тоа е уште една работа, која може да се спречи, што додава на купот прашања поврзани со климата“, изјави д-р Парент.

Како дел од своето истражување, д-р Парент го испитуваше концептот меѓу 400 мажи кои живеат во САД.

Машката „мачо“ природа се однесува на степенот до кој една личност ја заснова својата самодоверба на културните стандарди на мажественост, вклучувајќи цврстина, статус и анти-женственост. Овие перцепции можат да бидат реални или замислени, при што од сите учесници е побарано да се согласат или да не се согласат со низа изјави, вклучително и „Не можам да се почитувам себеси ако не живеам како „вистински маж“.

Одговорите потоа беа споредени со навиките и ставовите за купување автомобили, испитувајќи дали се претпочитаат гас/дизел, хибрид или електричен. Речиси 40 проценти од мажите ги рангираа електричните возила како најлоша опција, при што многу од овие учесници имаат и најтрадиционални „машки“ ставови. Овие запрепастувачки резултати доаѓаат во време кога безброј автомобилски гиганти се тркаат за развој на нови електрични возила што ја менуваат играта во услови на зголемена грижа за животната средина против типичните мотори со гориво.

Преференциите за автомобили исто така беа засновани на хипотетички, а не на реални одлуки за купување, што дополнително ја зголемува двосмисленоста на резултатите.