Зошто можете да бидете зависни од храна на истиот начин како што можете да бидете од цигари или дрога?
Додека зависноста обично се поврзува со никотин, дроги или коцкање, научниците сè почесто дебатираат дали и храната – особено ултрапреработената – може да предизвика зависност. Овие производи, како готови јадења, чипс и засладени житарици, содржат комбинација од шеќер, масти и адитиви, кои предизвикуваат „висок“ ефект сличен на другите зависности.
Истражување во Велика Британија покажува дека над четири милиони луѓе во нивната земја имаат тип 2 дијабетес – зголемување од помалку од три милиони во 2018. Главен виновник е прејадувањето, но нова студија од Универзитетот во Сао Паоло открива дека речиси третина од заболените покажуваат симптоми на зависност од храна според „Yale Food Addiction Scale“.
Научна дебата: физиолошка зависност или психолошка утеха?
Некои истражувачи сметаат дека ултрапреработената храна го активира допаминот – хормонот на задоволство – во мозокот, што поттикнува зависничко однесување. Но, најново истражување од Националниот институт за здравство во САД не откри значајно зголемување на допаминот кај учесници по консумација на таква храна, со што се доведува во прашање физиолошкиот аспект на зависноста.
Психолозите велат дека „зависноста од храна“ повеќе се темели на емоционални предизвици како стрес и ниска самодоверба, отколку на самиот состав на храната. Според професорот Васим Ханиф, ставањето на етикетата „зависност“ врз пациентите е проблематично, бидејќи ја игнорира генетската компонента и комплексноста на болеста.
Коментирај анонимно