10 кратки вицови со Мујо и Хасо за поубав ден

1. Убав велосипед

Оди Хасо по улица и го гледа Мујо на убав велосипед, па го прашува:

– Од каде ти е толку убав велосипед?

– Пред некој ден, покрај мене помина една згодна плавуша на велосипед и застана. Одеднаш го фрли велосипедот настрана, се соблече и ми рече:
– Земи што сакаш!

– И ти, будало, си го зел велосипедот?! – го прашува Хасо.

– Па што да правам, кога облеката сигурно ќе ми беше тесна!

2. Чадор

Мујо ѝ вели на Фата:

– Еве ти го мојот чадор, да не накиснеш додека стигнеш дома.

Фата:

– Навистина си џентлмен! А ти како ќе си одиш дома?

Мујо:

– Со такси!

3. Наградна игра

Влегува Мујо во пекарница и прашува:

– Уште ли трае наградната игра?

– Каква наградна игра, бе Мујо?

– Па, кој ќе најде месо во бурекот, добива уште еден гратис!

4. Пушење

Докторот го прашува Мујо:

– Пушите ли?

– Само после секс.

– Гледам, белите дробови ви се како нови!

5. Ни килограм

Се жали Мујо:

– Веќе четири месеци сум член во теретана, а немам ослабено ни килограм. Утре ќе одам лично да видам што се случува!

6. Како две птици

Седат Мујо и Фата прегрнати на клупа, па Мујо ѝ вели:

– Фато, ги гледаш оние две птици на гранката колку се заљубени? Сакаш и ние така?

Фата му одговара:

– Не знам, Мујо… гранката веројатно ќе пукне!

7. Казна

Умреле Мујо и Фата и отишле пред Бога. Тој им вели:

– За секое неверство ќе добиете по едно боцкање со игла!

Мујо се исплашил и си помислил: „Леле, кутрата Фата… Јас ја изневерив десет пати, ама никогаш не ѝ кажав. Сега ќе добијам десет боцкања и готово.“

Откако ја одлежал казната, Мујо прашал:

– А каде е Фата?

Бог му одговорил:

– Ене ја, под машина за шиење…

8. Десет црни гаќички

Мујо ѝ купил на Фата десет исти црни гаќички. Фата се побунила:

– Аман, Мујо, луѓето ќе мислат дека не ги менувам гаќичките!

Мујо:

– Чекај… кои луѓе?!

9. Прашање за Фата

Мујо открил дека Фата го изневерува, па бесен ја прашал:

– Добро, кажи ми што има тој, а јас немам?

Фата:

– Сакаш во сантиметри или во евра?

10. Не е фер

Мујо му вели на Хасо:

– Хасо, друже, животот стварно не е фер.

– Зошто, бе?

– Кога и да запознаам некоја згодна жена, или таа е мажена или јас сум оженет!