18 годишна девојка од Кина е хоспитализирана поради несекојдневна состојба на ОГРОМНА љубомора, откако на момчето му се јавила повеќе од 100 пати

18-годишна девојка од Кина, по име Ксиаоју, била хоспитализирана со „синдром на љубовен мозок“, откако му се јавила на своето момче повеќе од 100 пати во еден ден и му се заканила дека ќе скокне од прозорец кога тој не одговарал на нејзините повици.
Според психијатрите, синдромот е состојба која се карактеризира со опсесивна љубов и зависност од романтичниот партнер. Тоа може да биде придружено со анксиозност, депресија и самоубиствени мисли.

Врската на Ксијаоју со нејзиното момче на почетокот била хармонична, но со текот на времето тој почнал да се чувствува непријатно поради нејзината прекумерна потреба за внимание. Постојано барала од него да ја пријави својата локација, да испраќа видео потврди и да одговара на видеоповици.

Кога момчето на Ксиаоју престанало да одговара на нејзините повици, таа му се јавила повеќе од 100 пати. Откако не добила одговор, таа почнала да крши покуќнина во куќата и да се заканува со самоубиство. Дечкото на Ксиаоју повикал полиција и таа била пренесена во болница.

Психијатрите ѝ дијагностицирале синдром на „љубовен мозок“ на Ксијаоју и заклучиле дека и треба долгорочен третман. Според нив, оваа состојба често се јавува кај луѓе кои имале потешкотии во односите со родителите во детството. Синдромот може да има сериозни последици за менталното и физичкото здравје.