3 причини зошто не треба да ги посетите пирамидите во Египет кои предизвикаа многу реакции

Карми Селито, од Хемпшир, кој е познат како @touchdalight на платформата, сподели видео од него и неговата пријателка Мили на турнеја низ познатите знаменитости на земјата.

Креаторот на ТикТок, кој е најдобро познат како Јутјубер, напиша на видеото „потребно е да бидете сериозно внимателни ако доаѓате овде“.

Во видеото, кое собра речиси половина милион прегледи, тој покажува слики од надворешноста и внатрешноста на пирамидите. Во меѓувреме, се слуша гласот, со детали за неговите три причини зошто не треба да ги посетите историските градби.

Скролајте надолу за видео

Говорејќи во видеото, Карми вели: „Три причини зошто никогаш не треба да ги посетите пирамидите во Египет, ајде да одиме. Првата причина е фактот што треба да се качувате на колена околу 30-40 минути и станува заморно, да ви кажам, тоа е како патека со пречки“.

На снимката од неговата пријателка како се качува по тесен пешачки пат и нежно ја удира главата на нискиот таван, тој вели: „Исто така е доста опасно. Видете како мојата пријателка се удри“.

Наведувајќи ја својата втора причина, тој се пошегува: „Втората причина е фактот дека нема клима внатре. Како всушност ќе ги изградите овие пирамиди, но нема да ставите клима уред во 2023 година?“

Во случај некој од гледачите досега да не сфати дека видеото е иронично, третата причина на Карми прави сосема јасно.

Говорејќи во видеото, тој открива дека посетата на античките знаменитости е „толку епска, што повеќе нема да доживеете нешто слично“.

Но луѓето на Интернет одамна ја изгубија логиката и смислата за хумор и сарказам и почнаа да го напаѓаат.

Еден коментатор рече: „Па, тоа се гробници, можеби затоа не ставиле клима, знаете затоа што е наменета да биде за мртвите“.

Друг додаде: „Каква нова генерација – клима, на колена биле.. Се прашувам што ќе се случи ако има војна!“

А друг напиша: „Мислевте дека ќе има клима… во пирамида?“

Во меѓувреме, дополнителен корисник на ТикТок рече: „Четвртата причина зошто туристите треба да престанат да се жалат кога посетуваат друга земја. Ако сакате клима… Гледајте ги Пирамидите на YouTube“ #firstworldproblems.

Се појави и друг да го сподели тоа чувство, прашувајќи: „Не, туку искрено прашање, што очекувавте? ИНИЦИЈАЛНО се така изградени за многу намени, а не за туризам“.

Па овие коментари се навистина урнебесни затоа што покажуваат до каде „им сече“ на луѓето на интернет и дека само гледаат да солат памет и да покажат колку тие знаат, а Карми точно знаел дека луѓето веднаш ќе скокнат да паметуваат.