6 намирници кои секогаш треба да ги чувате во замрзнувачот за здрави оброци во секое време

Готвењето дома е еден од најдобрите начини за здраво исхранување. Но, не секогаш се потребни свежи состојки за балансиран оброк. Замрзнатите намирници овозможуваат лесно и практично збогатување на исхраната со нутритивни вредности и разновидност, доколку знаеме како правилно да ги складираме и користиме.

Овошје

Замрзнатото овошје е одлична основа за смути, овесна каша или десерти. Се бере на врвот на зрелоста, кога е најбогато со хранливи материи и вкус. Доколку имате вишок свежо овошје, како јагоди или грозје, замрзнете го на плех во еден слој, а потоа складирајте го во затворен сад или кеса.

Бујон

Бујонот е идеален за супи, варива и сосови, а замрзнат трае до шест месеци. Складирајте го во садови или калапи за мраз за полесно дозирање.

Ѓумбир

Ѓумбирот е богат со антиинфламаторни својства и погоден за сосови, чаеви и супи. Замрзнете го цел или исечкан во кеса, а при употреба изрендајте го директно во јадењето.

Зеленчук

Замрзнатиот зеленчук е практичен и достапен преку целата година. Додајте го во супи, чорби, смути или пржени јадења.

Житарки

Зготвените житарки, како ориз и киноа, може да се замрзнат за подоцнежна употреба. Распоредете ги на плех, замрзнете, а потоа складирајте ги во кеса. Тестенините треба да се замрзнат ал денте и со малку масло за подобра текстура при загревање.

Риба и месо

Замрзнете ги во помали порции за полесна подготовка. Вареното месо може да се исецка пред замрзнување за подоцнежна употреба.