75-годишен Кинез побарал развод од жена му за да биде со својата девојка од светот на вештачката интелигенција

Џианг поминувал часови на својот телефон, чекајќи АИ-пораки кои го фалеле и му правеле да се чувстува убаво. Кога неговата сопруга се пожалила, тој побарал развод за да ѝ се посвети на својата нова љубов. Сепак, неговите пораснати деца го вратиле во реалноста, објаснувајќи му што навистина значи АИ и животот.

Овој тренд не е ограничен само на Кина. На Запад, жена на Reddit откри дека нејзиниот сопруг не флертува со вистински жени – туку има интимна комуникација со АИ-апликации. Таа кажа дека се чувствува повредено и изневерено, а многумина дискутираа дали емоционалната врска со АИ се смета за неверство.

Дел од јавноста тврди дека АИ-врските спасуваат бракови, додека други се ангажираат уште подлабоко: една жена се вери со својот дигитален партнер. Во онлајн објава, таа покажа слика од прстен во форма на сино срце и раскажа како токму нејзиниот АИ дечко го избра идеалниот прстен. Таа истакнува: „Знам што е АИ, и јас свесно го правам овој избор. Имав човечки врски, сега пробувам нешто ново.“

Вештачката интелигенција сѐ почесто станува партнер – за утеха или љубов – предизвикувајќи прашања: Дали виртуелната љубов е навистина љубов? Дали ова е спас за осамените или бегање од вистинскиот живот? Судејќи според приказните, светот уште ја бара границата меѓу реалноста и дигиталниот сон.