Урбани истражувачи го пронајдоа „Лолита експрес“, авионот на Џефри Епстин, на заборавена писта во Америка и снимија како е внатре
Урбани истражувачи успеаја да влезат во поранешниот приватен авион на Џефри Епстин, Боинг 727 со регистрациски број N908JE, познат како авионот со кој тој ги превезувал влијателните гости до својот приватен остров на Американските Девствени Острови. Ретките снимки однатре откриваат како озлогласениот приватен авион, опкружен со тајни и скандали, тоне во заборав и руини на аеродромот Brunswick Golden Isles во округот Глин, Џорџија.
Боингот 727 на Епштајн – од луксуз за славните до метал што се распаѓа на аеродром во Џорџија
Овој Боинг 727 бил изграден во 1969 година за TWA, а подоцна бил преработен за приватно користење. Во 2001 година, авионот преминал во рацете на компанијата JEGE Inc., фирма поврзана со Џефри Епштајн и Гислејн Максвел. Буквите JE во регистрацијата N908JE се токму иницијалите на Епстин. Во годините што следат, авионот прави над 600 часови летање годишно, станувајќи постојан симбол на неговите патувања.
‘Лолита експрес’: Темниот симбол на скандалот – листа со познати патници и сведоштва за злоупотреба
Прекарот ‘Лолита експрес’ масовно се употребува во медиумите и се поврзува со познатата книга ‘Лолита’ од Владимир Набоков (1955). Согласно објавените материјали од Министерството за правда на САД, меѓу патници во овој авион биле идентификувани Бил Клинтон и принцот Ендрју. Од судските документи и сведочења на жртви произлегува дека повеќе лица, жртви на сексуална злоупотреба од страна на Епстин, патувале токму со овој авион. Бил Клинтон негира дека направил нешто погрешно или дека знаел за делата на Епстин.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
Коментирај анонимно