Најстрашниот цик-цак пат во Кина претставува вистински кошмар за секој возач
Кина е позната по своите импресивни инфраструктурни достигнувања, од лебдечки патишта кои минуваат низ реки, до автопати високо на планински сртови. Но, кога станува збор за најпредизвикувачките патишта, малку кој може да се спореди со цик-цак патот Лингпаиши во Вукси.
Содржина:
Патот Лингпаиши: 453 метри долг предизвик сместен меѓу две стрмни карпи
Сместен меѓу две високи карпи во југозападниот дел на Вукси, патот Лингпаиши ја поврзува малата заедница Тиан Пинг со надворешниот свет. Патот е долг само 3,7 километри, од Тианпинг селото до провинцискиот пат 201, додека цик-цак делот изнесува само 453 метри, но и тоа е доволно да ги исплаши и најискусните возачи.
Изграден во 2012 година, со максимален наклон од 36%
Овој уникатен пат во Чонгќинг беше изграден во 2012, а асфалтиран во 2019 година. Патот бара исклучително бавно и внимателно возење низ секој остар свиок. Ширината е толку мала што враќање назад е невозможно, а во најстрмните делови наклонот достигнува дури 36%.
Само 137 жители го користат патот, кој е затворен за камиони и автобуси поради опасноста
Среќа што заедницата Тиан Пинг брои само 137 луѓе од 37 семејства – патот е речиси секогаш празен и тоа оди во прилог на возачите кои мораат да го совладаат. Патот е затворен за камиони, автобуси и возила со големи камп-приколки бидејќи не можат да ја минат тешката траса. Дури и малите возила може да поминат само преку специјално направените делови за вртење на кривините.
Делот со најголема стрмност треба да се поминува само во прва брзина
Поради екстремната стрмност, најопасниот цик-цак дел на Лингпаиши мора да се вози строго во прва брзина. Само така возачите имаат контрола врз возилото на овој толку непредвидлив терен.
Коментирај анонимно