Зошто луѓето во еден од најбогатите региони во светот масовно умираат од топлотниот бран?

Европа е богат континент, но инфраструктурата и домовите се изградени за сосема поинакви климатски услови. Денес, таа е еден од регионите што најбрзо се затоплуваат, а многу земји не се подготвени за вакви екстремни горештини.

Во голем дел од Европа, куќите се проектирани да ја задржуваат топлината, а не да се ладат. На пример, во Велика Британија, каде температурите од околу 35°C предизвикуваат сериозни проблеми, дополнителен фактор е и високата влажност на воздухот, што го прави чувството на жештина уште поинтензивно.

Во многу европски држави климатизацијата не е толку вообичаена како кај нас. Во одредени случаи постојат ограничувања или се потребни посебни дозволи за поставување надворешни клима-уреди, особено кај заштитени објекти и историски згради. Поради тоа, многу домови, па дури и дел од јавните установи, немаат соодветно ладење.

Како последица на екстремните горештини, најранливите категории граѓани – постарите лица, хронично болните и малите деца – се изложени на значително поголем ризик.

Во Франција, побарувачката за клима-уреди значително порасна, а дел од луѓето се разладуваат и во своите автомобили. Се очекува европските земји да преземат дополнителни мерки за подобра заштита на населението од идните топлотни бранови.

За вас, на која температура започнува алармантно топлото време?

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!